هـــذا حال المســـاكين

[صمت القبائل]

شاب خطب بنت عمه الكاش
</B>


سبحان من يرزق بتوع الملاييـن------------------
------------------ الرازق اللي ما يخيب الرجـأ بـه

لي عم عنده معـرضٍ للصواليـن-------------------
-------------------أموت واعرف بس من وين جابـه

وإذا سألته قـال بعـت الدكاكيـن--------------------
------------------ما يدري إني ما هضمت الإجابة

الشاهد إني رحت له قبـل يوميـن -------------------
---------------------في قصره العامـر ودقيـت بابـه

قال أرحب أرحب عدّ ورد البساتين ----------------
---------------------يا مرحبا باللـي لفـا يـا هلا بـه

قلت البقا عـدّ النفـل والرياحيـن--------------------
-----------------يا شيخ شمل أهل الكرم والذرابـه



قال اسلم الله يحفظك لي من العين -----------------
-----------------وآمر أوامر حضرتـك مستجابه

قلت الصراحة طالبٍ قرب غاليـن------------------
-------------------ودي تزوجنـي كريمتـك يـابـه

ثنّى وقال آهلين والله وسهليـن -------------------
----------------والكون ترخص لجل عينك رقابـه

لكن ترا عندي شـروط وقوانيـن------------------
----------------قلت أشرط أشرط يا حبيب الغلابة

قال أولاً مهر العروسـة ثمانيـن------------------
----------------غير الرسوم وغير حق العصابة

والثانية عمك يبي منـك سبعيـن------------------
------------------رسم الأبـوّة والنسـب والقرابة

وأم العروسة حقها منـك ستيـن ------------------
-----------------عشانها ست الحسـن والمهابة



وإخوانها كلن يبي منـك خمسيـن-----------------
------------------عداً ونقـداً تنـدرج فـي حسابـه

وخواتها الخمس اعطهن من ثلاثين--------------
-----------------عشان تتوثـق عـروق النسابـه

وتجيب طقم عيار واحد وعشريـن ---------------
---------------وخاتم من الماس المصفى ترابـه

وأكياس متروسة كعوب وفساتيـن---------------
-----------------ألوانهـا وأشكالها مـا تشابـه

وموتر بسواقـه وفيـلا بدوريـن ------------------
------------------أثاثهـا مـن بطرتـه ينحكـا بـه

واحجز لنا قاعة بقصر السلاطيـن---------------
---------------واحجز بهـا رقاصتيـن وربابـه

هذي الشروط اللي على بالي الحين--------------
---------------وذكرني اللي ما حسبنـا حسابـه

قلت اذكر الله يا عـدو المساكيـن----------------
------------------واستغفـره لا يبتلـيـك بعـذابـه



الظاهر إنك منت عارف أنا ميـن -----------------
----------------أنا لو ارقا فـوق متـن السحابـه

ما جبت حتى نص درزن مواعيـن----------------
--------------واضحك بكيفك واعتبرهـا دعابـه

شروطكم هذي شـروط المجانيـن-----------------
---------------شروطكم شغـل ابتـزاز ونهابـه

شروطكم تقصم ظهـور البعاريـن-----------------
-----------------شروطكـم همّـن وغـم وكآبـه

شروطكم والله سيوف وسكاكيـن----------------
--------------تذبح بنات المجتمع مـع شبابـه

وين الرضا والعطف واليسر واللين--------------
----------------اللي ذكرهـا الله بمحكـم كتابـه

وين الصفات اللي أمرنا بها الديـن ---------------
------------ وين اختفى نهج اهل النبي والصحابـه

يا عم جعل اللي خلقنا من الطيـن----------------
----------------يرد عقلك مـن خطـاه لصوابـه


ويجعل نصيبي عند غيرك قل آمين---------------
------------ويحسن عزا الصابر ويجزل ثوابه

قال انت لو فكرت تفكير صاحيـن ----------------
-------------ما شفت في مجمل شروطي غرابه

حنا بعصـر العولمـة والمزاييـن ------------------
------------ ماهوب عصر الفلسفة والخطابـه

الناس تسعى للرتـب والنياشيـن-----------------
---------------وانت اهتمامك بالشعـر والكتابـه

والشعر ما ينفعك لو هو دواويـن ---------------
----------------ما دام جيبك مثـل بيـت الخرابـه

يا بوك لا تسمع كلام المصاخيـن---------------
------------واسأل مجرب عاش في وسط غابه

قلت الله اكبر يا محـرر فلسطيـن -----------------
--------------من يسمعك يحسبك ذيـب الذيابـه

تراك شايب راس مالـك رياليـن -----------------
------------- والبنت ما تسوى جنـاح الذبابـه

قال انقلع مالت على وجهك الشين---------------
----------------لا عاد اشوفـك عندنـا يالزلابـه

قلت ابشر ابشر لكن الباب من وين---------------
-------------واقفيت من عنده على صوت بابـه

[مفارق أحبااابه]

مرحبا أخوي الغالي بصراحه قصيدة روعه وأكثر من روعه وتوصف حالنا مع المهور وحال الشباب والبنات وكيف يعانون من هالشي والله يهدي أهالينا يارب

شدني بالقصيدة بعض النقاط بصراحه

لكن ترا عندي شـروط وقوانيـن------------------
----------------قلت أشرط أشرط يا حبيب الغلابة

لين متى وحنا نحط شروط تعجز الشباب عن الزواج وترى البنت مالها غير بيت زوجها ياعالم

قال أولاً مهر العروسـة ثمانيـن------------------
----------------غير الرسوم وغير حق العصابة

والثانية عمك يبي منـك سبعيـن------------------
------------------رسم الأبـوّة والنسـب والقرابة

وأم العروسة حقها منـك ستيـن ------------------
-----------------عشانها ست الحسـن والمهابة

ماأخفيك تراك بالغت بوصف الشروط لأنه لوكانت شروط الزواج كذا الله يعين الشباب والبنات بصراحه



الظاهر إنك منت عارف أنا ميـن -----------------
----------------أنا لو ارقا فـوق متـن السحابـه

ما جبت حتى نص درزن مواعيـن----------------
--------------واضحك بكيفك واعتبرهـا دعابـه


يكفيك أنك ولد السلاطين وأنا أخوك


أخرها هالبيت ألي أكثر من قوي ورأيي أنه بقصيدة


قلت الله اكبر يا محـرر فلسطيـن -----------------
--------------من يسمعك يحسبك ذيـب الذيابـه

وأخيراً يعطيك العافيه وتسلم أناملك على ماتثرينا به من حروف أخوي


وتقبل تحياتي وتقديري وأحترامي أخوي


أخوك الصغير
مفارق وأحبااابه

[صمت القبائل]

يعطيك العافية على المرور والتعليق اخوي

[بياع الورد]

عليك بالمسيار
أو شوف الإنتاج المستورد ترى أرخص

قصيدة تمس واقع مرير لا مفرّ منه إلا بالتمرد بما أشرت لك به
وشكراً صمت القبائل

[بنت الراشد]

قصيده
أحسها أقرب للخيال
معقوله في ناس كذي
تتطلب مثل كذي لدرجة توصل
لأب وألأم والخوان والخوات
كلهم يدفع لهم ؟؟؟(وصلت للمبالغه)
صح ني معاك من ناحية غلا المهور
بس ماتوصل لذي الدرجه..^^


المهم الله يوفقك خوي الطيب ولايحرمنا من التواجد
القيم والرائع .. وصح الله منطوق الشاعر...



تحياتي


أختك


بنت الراشد

[صمت القبائل]

اقتباس: المشاركة الأصلية كتبت بواسطة بنت الراشد     قصيده أحسها أقرب للخيال معقوله في ناس كذي تتطلب مثل كذي لدرجة توصل لأب وألأم والخوان والخوات كلهم يدفع لهم ؟؟؟(وصلت للمبالغه) صح ني معاك من ناحية غلا المهور بس ماتوصل لذي الدرجه..^^ المهم الله يوفقك خوي الطيب ولايحرمنا من التواجد القيم والرائع .. وصح الله منطوق الشاعر... تحياتي أختك بنت الراشد

شكرا اختي على المرور
واكيد انه مبالغ فيها والمبالغة متعمدة والمبالغة بس من ناحية الأهل والا الباقي من الواقع المرير

تحياتي لكي اختي

[المنصــــــــوريه]

اقتباس: المشاركة الأصلية كتبت بواسطة صمت القبائل     والبنت ما تسوى جنـاح الذبابـه

لا ترى زودها .!!

صح اللي صار يضيق الخاطر بس ما يردها بسب بنت الناس .!

هذي وهيه بنت عمه .!

الموضوع كبير .. وصراحه هالأيام الأهالي بدوا يسهلون الأمور اكثر عن قبل ..

خاصه عندنا ..

الله يزيد .. ويزوج كل بنيه وريال اللي يرغبون بالزواج ..


سلمت ..

[مفارق أحبااابه]

أختي الغاليه المنصوريه صباحك ورد وسكر

أحيان تكون حروف الشاعر مبالغة شوي وأحيان كثير وأدري أن البيت ألاخير قوي كثير بس مو صحيح أختي الغاليه
لأن البنت هي ألاخت والزوجة وألام ونص الرجل وبدونها ماله حياة

ورأيي أنها كل شي بحياة الرجال مو نصه بس بصرااحه أختي الغاليه

وتقبلي تحياتي وتقديري وأحترامي


أخوك الصغير
مفارق أحبااابه